2483; Usianze upya kila wakati.

2483; Usianze upya kila wakati.

Mambo mengi unayofanya kwenye kazi au biashara zako huwa ni ya kujirudia rudia.

Lakini kila wakati unapokuwa unayafanya mambo hayo ni kama unaanza upya.

Kila wakati unaanza hatua kwa hatua katika kufanya, kitu kinachokupotezea muda na hata kukuchosha.

Kuondokana na hilo, tengeneza mfumo rahisi wa mambo yote unayofanya kwa kujirudia rudia.

Jua hatua zote zinazopaswa kuchukuliwa katika kufanya na zipi ambazo huhitaji kuanza upya kila wakati.

Hapa ikiwa na maana kwamba unakuwa tayari na maandalizi ambayo unapohitaji kufanya tena siyo kama unaanza upya, bali unakamilisha hatua zilizosalia.

Hili ni muhimu sana kwenye kazi au biashara, pale unapoanza mradi mpya, angalia ni vitu gani vinaingiliana na miradi mingine ambayo umekuwa unafanya, kisha pitia mchakato ule ule.

Hatua ya kuchukua;
Kwenye majukumu yako ya kila siku, angalia ni mambo gani huwa yanajirudia rudia kisha yafanyie maandalizi ya mapema ili wakati wa kufanya usiwe unaanza upya kila wakati.

Tafakari;
Chochote unachorudia kufanya, kitengenezee mfumo mzuri ili usiwe unaanza kukifanya upya kila wakati.

Kocha.