Soma Kitabu Hiki Na Maisha Yako Yatakuwa Bora Sana.

Katika changamoto ya kusoma vitabu 500, wiki iliyopita tulisoma kitabu SECRETS OF MILLIONAIRE MIND kilichoandikwa na T. Harv Eker.
Hiki ni kitabu cha kipekee kabisa kati ya vitabu vingi nilivyosoma kwani hiki kinakwenda kukuonesha mwongozo wa fedha uliopandikizwa kwenye akili yako tangu ukiwa mdogo. Tabia zako ulizonazo sasa kwenye mapato na matumizi ya hela kwa sehemu kubwa sana zinatokana na mwongozo huo ambao ulipandikizwa tangu ukiwa mdogo.
HARV
Kwa kujua muongozo huo ndio unaweza kubadilio tabia zako kwenye mapato na matumizi ya hela na hivyo kuboresha maisha yako
Inawezekana matumizi yako mabaya ya fedha sasa yametokana na mwongozo wa fedha uliojengewa kutokana na maisha ya wazazi wako kwamba fedha ikipatikana ni ya kutumia, isipopatikana hakuna kutumia. Mwongozo huu una nguvu sana na hivyo unapojaribu kujibadili wewe bila kubadili mwongozo huu unajikuta unashindwa na unarudi kwenye tabia zako za zamani.
Pia katika kitabu hiki mwandishi amezungumzia kwa kina sana tofauti kati ya masikini na matajiri katika kufikiri na hata matendo. Tofauti hizo ni;
1. Matajiri wanaamini wanatengeneza maisha yao, wakati masikini wanaamini maisha yanatokea.
2. Matajiri wanacheza mchezo wa fedha ili kushinda, masikini wanacheza mchezo huu ili kutopoteza,na mwishowe hawashindi.
3. Matajiri wamejitoa kweli na wana nia ya dhati ya kuwa matajiri, masikini wanatamani kuwa matajiri.
4. Matajiri wanafikiri vikubwa, masikini wanafikiri vidogo.
5. Matajiri wanaweka akili zao kwenye fursa, masikini wanaweka akili zao kwenye vikwazo.
6. Matajiri wanawapenda matajiri wenzao na watu waliofanikiwa, masikini wanawachukia na kuwaonea husuda matajiri.
7. Matajiri wanakaa na watu wenye mtizamo chanya na waliofanikiwa, masikini wanakaa na watu wenye mtizamo hasi na wasiofanikiwa.
8. Matajiri wako tayari kujitangaza, masikini wanaona aibu kujitangaza.
9. Matajiri ni wakubwa zaidi ya matatizo yao, masikini ni wadogo zaidi ya matatizo yao.
10. Matajiri ni wapokeaji wazuri, Masikini sio wapokeaji wazuri.
11. Matajiri wanachagua kulipwa kulingana na matokeo wanayozalisha, masikini wanachagua kulipwa kutokana na muda.
12. Matajiri wanafikiri kupata vyote, masikini wanafikiri kupata kimoja na kukosa kingine.
13. Matajiri wanalenga kwenye utajiri wao, masikini wanalenga kwenye kipato chao.
14. Matajiri wana usimamizi mzuri wa fedha zao, masikini wana usimamizi mbovu wa fedha zao.
15. Matajiri wanafanyiwa kazi na fedha zao, masikini wanazifanyia fedha kazi.
16. Matajiri wanachukua hatua licha ya kuwa na hofu, masikini wanakubali hofu iwatawale na kuwazuia kuchukua hatua.
17. Matajiri kila mara wanajifunza na kukua zaidi, masikini wanafikiri wanajua kila kitu.
Soma kitabu hiki na kama ukiyafanyia kazi mambo hayo utakayojifunza utabadili kabisa uelekeo wa maisha yako.
Hata kama hutaki kuwa milionea au bilionea soma tu kitabu hiki maana kitakuletea uhuru wa kifedha, kitu ambacho kila binadamu anayepumua anakitaka.
Kupata kitabu hiki  SECRETS OF MILLIONAIRE MIND jiunge na mtandao huu kwa kubonyeza maandishi haya na kuweka email yako. Kama ulishajiunga tayari umetumiwa makala hii na ina link ya kudownload kitabu.
Kama unataka kuingia kwenye changamoto ya kusoma vitabu 500 unakaribishwa. Ila uwe tayari kusoma vitabu viwili kwa wiki na jumamoso kuanzia saa kumi na mbili jioni mpaka saa mbili usiku uwe tayari kushiriki mjadala wa uchambuzi wa vitabu tulivyosoma. Kama uko tayari hakikisha unatumia smartphone na weka application ya TELEGRAM kwenye smartphone yako na kisha nitumie mesej kwa telegram kwenye namba 0717396253 na nitakuweka kwenye kundi hilo la kusoma vitabu.
Nakutakia kila la kheri katika safari ya kufikia mafanikio makubwa.
TUPO PAMOJA, TUTAKUTANA KILELENI.
Karibu kwenye KISIMA CHA MAARIFA ambapo mwezi huu tunafanya uchambuzi wa kitabu THE RICHEST MAN IN BABYLON na tunajijengea TABIA YA KUJIAMINI.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: