2439; Alama kwamba umefanya wewe…

2439; Alama kwamba umefanya wewe…

Kitu chochote kile unachofanya, unapaswa kuacha alama kwamba ni wewe umefanya.

Unapaswa kukifanya kwa upekee wa hali ya juu sana, kwa namna ambayo hakuna mwingine anayeweza kukifanya hivyo.

Na hilo linawezekana kabisa kama utajitambua wewe mwenyewe na kuchagua kuwa wewe badala ya kuhangaika kuwaiga wengine.

Ukijipenda, kujithamini na kujijali.
Ukipenda na kuthamini sana kile unachofanya.
Na ukiwapenda na kuwajali wale unaowalenga kwenye kile unachofanya.
Utaweza kukifanya kwa viwango vya juu kabisa na kuacha alama ya kipekee.

Ni ufanyaji wa aina hiyo ndiyo unaokutofautisha na wengine na kukuwezesha kufanya makubwa na kupata matokeo makubwa pia.

Kushinda au kushindwa kunaanza na namna unavyochagua kufanya chochote ulichochagua kufanya.

Hatua ya kuchukua;
Kwa kila unachochagua kufanya leo, jiulize ni kwa namna gani unaweza kukifanya kwa ubora wa hali ya juu kabisa, kukifanya kwa upekee ambao haujawahi kufanywa na mtu mwingine yeyote. Kisha kifanye hivyo, utashangaa jinsi utakavyopata matokeo ya tofauti kabisa.

Tafakari;
Humkomoi mtu yeyote kwa kufanya kitu hovyo, bali inabaki kuwa sifa yako kwamba huwa unafanya vitu hovyo. Jijengee sifa ya kuwa mtu unayefanya mambo yako kwa viwango vya juu kabisa na sifa hiyo itakupa fursa nyingi na nzuri.

Kocha.