#SheriaYaLeo (291/366); Nenda na wakati.

#SheriaYaLeo (291/366); Nenda na wakati.

Huwa tunapenda kwenda na mazoea, kufanya yale ambayo yamekuwa yakifanyika na matokeo yake kutabirika.

Kwenda na mazoea ni kutumia mambo yaliyopita kufanya maamuzi kwenye mambo ya sasa, kitu ambacho kinakuwa siyo sahihi.

Ili kufanya maamuzi sahihi na kupata matokeo bora, unapaswa kwenda na wakati.
Unapaswa kuelewa kwa kina yale yanayoendelea kwenye wakati uliopo na jinsi yanavyoathiri fikra na maamuzi yako.

Unapaswa kuacha kuhukumu wakati uliopo kwa kulinganisha na wakati uliopita.
Badala yake kutumia wakati uliopita kuelewa vizuri wakati uliopo.

Nenda na wakati kwa kufanya maamuzi sahihi kulingana na hali iliyopo badala ya kutumia mazoea.

Sheria ya leo; Bila ya kuchukua hatua za makusudi kuachana na mazoea na kukaa kwenye wakati uliopo, utajikuta ukiendeshwa na mazoea na kufanya maamuzi ambayo siyo bora.

#NidhamuUadilifuKujituma
#AfyaUtajiriHekima
#KaziUpendoHuduma
#UpekeeUdadisiUbunifu
#UshirikianoUtegemeanoUwajibikaji