Kanuni Bora Ya Malezi Ya Watoto Yenye Mafanikio Makubwa

Habari ya leo mpendwa rafiki na msomaji wa mtandao wa Amka Mtanzania? Ni matumaini yangu kuwa hujambo na unaendelea vizuri. Hongera sana rafiki kwa zawadi ya siku hii ya leo kwani kuamka salama ni ushindi mkubwa katika maisha yako hivyo tumia ushindi huo wa uhai kuacha alama siku hii ya leo kumbuka kuwa maisha ni muda. Kumbuka kuiendea siku hii ya leo kwa misingi yetu ya Amka Mtanzania ya nidhamu, uadilifu na kujituma.

Rafiki, napenda kutumia nafasi hii kukualika tena siku hii ya leo katika makala yetu ya leo ili tuweze kujifunza wote kwa pamoja yale mazuri niliyoweza kukuandalia siku hii ya leo. Kwa namna ya pekee rafiki yangu, nakusihi sana tusafiri pamoja hadi mwisho wa somo letu la leo ambapo leo tutakwenda kujifunza kanuni bora ya malezi ya watoto yenye mafanikio makubwa hivyo basi,  karibu tujifunze.

Malezi ya watoto ni kazi kama kazi nyingine tunazozijua na kuzifanya katika maisha yetu. muda mwingine kulingana majukumu huwa tunatafuta hata wasaidizi wetu ili waweze kutusaidia kulea watoto pale tunapokuwa tumebanwa na mambo mbalimbali.  Kumlea mtoto katika mazingira chanya kwenye dunia yenye mtazamo hasi inahitaji kazi kubwa.

malezi bora

Rafiki, kanuni bora ya malezi kwa watoto  yenye mafanikio makubwa ni matendo. Matendo katika malezi ya watoto ndiyo mwalimu mzuri atakayemwongoza mtoto wako katika mafanikio unayoyataka kuyaona katika maisha yake. Watoto wanapenda kujifunza kwa vitendo kutoka kwa wale wanaowalea aidha ni wazazi au walezi wao.

SOMA; UCHAMBUZI WA KITABU; Raising Positive Kids In A Negative World (Jinsi Ya Kulea Watoto Wenye Mtazamo Chanya Kwenye Dunia Hasi).

Huwa tunajidanganya sisi wenyewe pale tunapowaambiwa watoto wafanye vitu ambavyo hata sisi wenyewe hatuvifanyi vitu hivyo. Tunapowaambiwa watoto wetu wawe wasafi basi mzazi ndiyo unapaswa kuonesha mfano wa kuwa msafi. Tunapowaambiwa watoto wetu wasali na waende nyumba za ibada basi mifano mzuri wanatakakuiona kutoka kwetu. Kama tunawaambia watoto kitu ambacho sisi wenyewe hatufanyi tunakuwa tunajidanganya na kamwe hatuwezi kupata malengo tuliyokusudia kuayapata juu ya watoto wetu.

Wazazi wanapokuwa wanafanya kwa vitendo yale wanayowaambiwa watoto wao basi hiyo ndiyo kanuni bora ya malezi. Unapowafundisha watoto wako utamaduni wa kujiwekea akiba wakati wewe mwenyewe unakushinda huo utamaduni hapo unakuwa unakosea. Kama unawahamasisha watoto wafanye mazoezi basi n a wewe inabidi uwe mstari wa mbele katika kufanya mazoezi kisiishie mdomoni tu.

Kama upendo uko kwa wazazi basi watoto nao watafurahia upendo na kuuishi upendo huo katika maisha yao. Huwezi kuwahubiria watoto juu ya falsafa ya upendo lakini maisha yenu nyie kama wazazi mnaishi katika magomvi, malumbano na mambo mengine yanayofanana na hayo. Kile tunachosema na kuwaambiwa watoto sharti la kwanza na sisi tuwe tunalifanya jambo hilo.

Mpendwa msomaji, mzazi ambaye hana falsafa katika maisha yake hana malezi mazuri kwa watoto. Binadamu ambaye hana falsafa hana maisha kabisa kwa sababu kama huna misingi au falsafa unayosimamia katika dunia hii ya leo basi utakuwa ni chambo kwa watu wengi kila mtu atakuwinda ili akuvune. Kumbuka kuwa watu wanaohangaika na kuyumbishwa ni wale ambao hawana falsafa au misingi wanayosimamia hivyo basi, tunaweza kusema kuwa watu ambao hawana misingi au mwelekeo basi, mwelekeo wowote utawachukua.

SOMA; Ifahamu Sehemu Iliyogeuka Kuwa Kimbilio La Wazazi Wengi Katika Malezi Ya Watoto.

Kama huna misingi au falsafa yoyote unayoitoa kwa watoto wako basi utakuwa umewaweka watoto wako rehani na dunia itawashambulia ili iwamalize. Kama mzazi hutakiwi kukosa kumjengea mtoto misingi bora katika maisha yake ambayo ataisimamia hata atakapokuwa mzee lakini akikosa misingi atakuwa ni chambo kwa dunia kila mtu atamwinda.

Hatua ya kuchukua leo, jifunze leo kumfundisha mtoto kitu chochote kwa vitendo na kile unachomhubiria hakikisha na wewe unakiishi kitu hicho. Kama huna uadilifu kwenye maisha yako utawezaje kumfundisha mtoto uadilifu? Mjengee mtoto misingi bora ya kifalsafa tokea akiwa mdogo ili iweze kumsaidia kwenye maisha yake.

Kwahiyo, kama mzazi amekosa kumjengea mtoto misingi ya kufanya vitu kwa matendo basi ni wazi kabisa mtoto atakuwa na hali mbaya katika dunia ya leo kwani dunia ya leo inatafuta watu ambao hawana misingi katika maisha yao ili iwatumie kwa manufaa yao na wala si kwa manufaa yako.

Makala hii imeandikwa na Deogratius Kessy ambaye ni mwandishi, mhamasishaji na mjasiriamali, unaweza kuwasiliana naye kupitia namba 0717101505/0767101504 au kwa barua pepe deokessy.dk@gmail.com, kessydeo@mtaalamu.net  au unaweza kutembelea tovuti yake, www.mtaalamu.net/kessydeo ,www.actualizeyourdream.blogspot.com kwa kujifunza zaidi kila siku. Asante sana.

 

Hii Ndiyo Sababu Kuu Moja Kwanini Watu Wanaajiriwa Au Wanajiajiri Katika Maisha Yao.

Habari ya leo mpendwa rafiki na msomaji wa mtandao wa Amka Mtanzania? Ni matumaini yangu kuwa hujambo na unaendelea vizuri. Hongera sana rafiki kwa zawadi ya siku hii ya leo kwani kuamka salama ni ushindi mkubwa katika maisha yako hivyo tumia ushindi huo wa uhai kuacha alama siku hii ya leo kumbuka kuwa maisha ni muda. Kumbuka kuiendea siku hii ya leo kwa misingi yetu ya Amka Mtanzania ya nidhamu, uadilifu na kujituma.

Rafiki, napenda kutumia nafasi hii kukualika tena siku hii ya leo katika makala yetu ya leo ili tuweze kujifunza wote kwa pamoja yale mazuri niliyoweza kukuandalia siku hii ya leo. Kwa namna ya pekee rafiki yangu, nakusihi sana tusafiri pamoja hadi mwisho wa somo letu la leo ambapo leo tutakwenda kujifunza sababu kuu moja kwanini watu wanaajiriwa au wanajiajiri katika maisha yao hivyo basi,  karibu tujifunze.

Rafiki, kama ni kitu muhimu ambacho tunapaswa kujenga katika maisha yetu hapa duniani basi ni jina. Jina ndiyo utambulisho wetu, majina yetu ndiyo yanaongea hata kama sisi hatupo mahali fulani. Leo hii watu wakitaja jina lako mahali wanapata taswira gani katika akili zao? Wale watu ambao wamejingea majina ndiyo wana nafasi kubwa sana duniani.

Kama kuna kazi nguvu duniani basi moja wapo ni kazi ya kujenga jina. Kujenga jina ni mchakato mrefu unaohitaji mtu kudumu katika maono yake kwa muda mrefu. Na majina yetu hayawezi kujengwa kwa siku moja. Kumbe tunapokuwa tunafanya chochote kile katika hii dunia ni tunajenga jina. Kazi yoyote inayopita katika mikono yako ujue ndiyo unaacha alama yako duniani. Na tunajenga majina yetu kwa kazi tunazofanya kila siku katika maisha yetu.

SOMA; UCHAMBUZI WA KITABU; THE SCHOOL OF GREATNESS (Mwongozo Wa Kuwa Na Maisha Makubwa, Mapezi Ya Dhati Na Kuacha Jina.)

Ndugu msomaji, kama unasoma hapa natumaini utakuwa umejiajiri au umeajiriwa je na huenda uko moja ya sehemu hizo nilizotaja na hujui kwanini umejiajri au umeajiriwa. Watu wanaajiriwa au wanajiajiri hawajui lengo lao kuu ni nini, watu wengi wanapojiajiri au kuajiriwa basi kipaumbele chao cha kwanza ni kuangalia anapata nini yaani anaangalia anapata malipo kiasi gani. Hata mtu akiambiwa kuna kazi sehemu kitu cha kwanza atakacho kuuliza siyo kingine bali ni malipo.

Kwahiyo, watu wamejiandaa kupata malipo na siyo kutoa thamani pale wanapoitwa kufanya kazi. Sasa sababu kuu moja inayosababisha watu wengi kuajiriwa au kujiajiri ni moja tu ambayo ni kupunguza matatizo. Unaajiriwa sehemu ili uende ukapunguze matatizo ya sehemu husika na unajiajiri ili uende ukapunguze matatizo sehemu husika na siyo vinginevyo.

Rafiki, hakuna mtu ambaye anakuajiri kwa lengo la kwenda kuongeza matatizo bali kupunguza matatizo ya sehemu husika. Watu wanashida hivyo wanahitaji kutatuliwa matatizo yao, unajiajiri kwa lengo la kwenda kutatua matatizo ya watu na matatizo ndiyo yanazaa fursa nyingi katika jamii yetu. Mwanzoni huduma za kibenki zilikuwa ni shida lakini sasa hivi watu wengi wameamua kutatua tatizo hilo na kusogeza huduma hizo karibu kabisa na maeneo tunayoishi kupitia mitandao ya simu zetu za mikononi.

Tunapaswa kuelewa kuwa mtu anakuhitaji umfanyie kazi anahitaji umsaidie kupunguza matatizo na siyo kumuongezea matatizo. Hakuna mtu anayeajiri au kuajiriwa kwa lengo la kuongeza matatizo, unaajiriwa ili ukapunguze matatizo sehemu husika. Wengi hawalijui hilo wanajua wanapoajiriwa au kujiajiri lengo ni kutafuta tu pesa hapana, uko hapo ulipo kwa ajili ya kutatua matatizo ya watu. Leo hii unanisoma hapa kwa sababu nimechagua kutatua matatizo ya ujinga. Ujinga ni ugonjwa mkubwa katika jamii yetu na watu wanakosa mambo mazuri katika maisha yao kwa sababu ya kukosa maarifa.

SOMA; Barua Ya Wazi Kwa Waalimu Wa Sanaa Na Kada Nyingine Zilizokosa Kipaumbele Kwenye Ajira Za Serikali. ( Kama Umesoma Na Huna Ajira, Pia Soma Hapa.)

Hatua ya kuchukua leo, hakuna mtu anayeajiriwa kwa lengo la kuongeza matatizo bali unaajiriwa au kujiajiri kwa lengo la kupunguza matatizo. Kama umeajiriwa au umejiajiri jua kabisa uko hapo kwa lengo la kutatua matatizo na kupunguza matatizo na siyo kupata hela tu. Kama unapunguza matatizo una stahili kupata malipo lakini kama unaongeza matatizo hustahili malipo.

Unapokuwa unatatua matatizo ya watu na kufanya kazi bora ndiyo chanzo cha wewe kujenga jina lako. Kazi yako ndiyo itakutangaza na jina lako litakuwa bora kulingana na kazi unafanya katika kutatua matatizo ya watu. Unapofanya kitu hovyo hovyo ujue unaharibu jina lako na unapozalisha kazi bora ujue unajenga jina lako. Hatima ya kujenga jina lako liko katika kutatua matatizo ya watu hivyo ukipewa kazi ya mtu ifanye kazi kwa ubora kwanza ndiyo uangalie malipo.

Makala hii imeandikwa na Deogratius Kessy ambaye ni mwandishi, mhamasishaji na mjasiriamali, unaweza kuwasiliana naye kupitia namba 0717101505/0767101504 au kwa barua pepe deokessy.dk@gmail.com, kessydeo@mtaalamu.net  au unaweza kutembelea tovuti yake, www.mtaalamu.net/kessydeo ,www.actualizeyourdream.blogspot.com kwa kujifunza zaidi kila siku. Asante sana.

Huyu Ndiye Tapeli Mkubwa Anayewalaghai Watu Wengi Katika Maisha Yao.

Habari ya leo mpendwa rafiki na msomaji wa mtandao wa Amka Mtanzania? Ni matumaini yangu kuwa hujambo na unaendelea vizuri. Hongera sana rafiki kwa zawadi ya siku hii ya leo kwani kuamka salama ni ushindi mkubwa katika maisha yako hivyo tumia ushindi huo wa uhai kuacha alama siku hii ya leo kumbuka kuwa maisha ni muda. Kumbuka kuiendea siku hii ya leo kwa misingi yetu ya Amka Mtanzania ya nidhamu, uadilifu na kujituma.

Rafiki, napenda kutumia nafasi hii kukualika tena siku hii ya leo katika makala yetu ya leo ili tuweze kujifunza wote kwa pamoja yale mazuri niliyoweza kukuandalia siku hii ya leo. Kwa namna ya pekee rafiki yangu, nakusihi sana tusafiri pamoja hadi mwisho wa somo letu la leo ambapo leo tutakwenda kujifunza tapeli anayetapeli watu wengi katika maisha ya watu. Je unamjua tapeli huyo? Karibu tujifunze.

Rafiki, tunaishi katika zama za mambo mengi na kila kukicha mambo mengi yanazidi kuongezeka. Licha ya kuwa na mambo mengi ya kufanya ambayo yako kabisa ndani ya uwezo wetu lakini amejitokeza adui mwingine ambayo anaingilia kati ili kutunyang’anya ushindi lakini pia kutuzuia sisi kusonga mbele.

Watu wengi wamejuta na kulizwa na huyu adui. Ni adui mbaya kwa sababu ameharibu ndoto nyingi za watu wengi na licha tu ya kuharibu lakini amesababisha ongezeko la viporo vingi vya majukumu katika maisha yetu ya kila siku. Watu wengi wanashindwa kufanya mambo mengine mapya kwa sababu ya kumruhusu huyu adui amtawale katika maisha yake.

Procrastination-04-despair

Tumekuwa tunaishi na tapeli ambaye tumemfanya kuwa rafiki wa kujiridhisha pale tunapohisi tumechoka kufanya kitu fulani. Watu wengi wanamwalika tapeli huyu katika maisha yao na ubaya wa tapeli huyu hawezi kukuacha salama kama umemkaribisha katika maisha yako. Ananyang’anya ushindi wa watu wengi, watu wanashindwa kutimiza wajibu wao kwa wakati kwa sababu ya huyu tapeli.

SOMA; Hiki Ndiyo Kitu Kinachosababisha Kuona Maisha Yako Ni Magumu Na Hayana Maana.

Mpendwa msomaji, huenda nimekuacha njia panda katika fikara yako je huyo tapeli ni nani anayefanya yote haya katika maisha yetu? Tapeli huyo anayeharibu maisha ya watu wengi kwa kuendelea kuwatapeli kila siku katika maisha yao siyo tapeli miwngine bali BAADAYE. Baadaye amekuwa ni sumu wa maendeleo katika maisha yetu na imekuwa ndiyo njia ya wavivu wengi kukimbilia huko na kusarenda maisha yao kwa tapeli huyo.

Ni wazi kabisa watu wengi wamekuwa wakijidanganya katika maisha yao kwa kumwalika tapeli huyu katika maisha yao. Baadaye imekuwa ni kama kimbilio la watu waliokosa nidhamu binafsi katika maisha yao. Watu wanashindwa kutumia falsafa ya kufanya sasa na hivyo wanachoona ni kumwachia nafasi tapeli wa baadaye ili amtapeli. Na huwa sisi wenyewe ndiyo tunamruhusu tapeli huyu aweze kututapeli katika maisha yetu. Kama sisi tukikataa na kuamua kufanya sasa yale majukumu yetu ambayo tunapaswa kuyatimiza basi tapeli huyu anakuwa hana nafasi tena katika maisha yetu.

Ni wangapi wanaahirisha mambo yao kila siku na kuamua kumpa ushindi tapeli huyu wa baadaye. Tunashindwa kufanya mambo mengi kwa sababu ya kutawaliwa na huyu tapeli. Uzuri wa huyu tapeli ukisha mwambia hapana kubwa hawezi kukusogelea hata kidogo na atakuwa anakuogopa kabisa. Nguvu na uwezo wa kumkataa upo ndani yako wenyewe wala huhitaji mtaji wa pesa bali ni mtaji mkubwa wa kumkabili tapeli huyu ni kuwa na nidhamu ya kufany sasa. Hakuna sababu juu ya tapeli huyu na wale wote waliokosa nidhamu binafsi basi baadaye ndiyo mteja wao mzuri.

Hatua ya kuchukua leo, kaa chini ujiulize je ni mambo mangapi umeharibu kwa kumwalika tapeli huyu mkubwa wa baadaye? Tokea uanze kutapeliwa na huyu baadaye umepata faida gani chanya? Kama hakuna faida yoyote ya huyu tapeli kwanini sasa unaendelea kukaa naye? Basi leo chukua hatua ya kumpa talaka ukiona baadaye anaanza kukusogelea mpe kadi nyekundu mwambie hapana kwa kumwalika rafiki yako wa sasa ambaye ni fanya sasa.

SOMA; UCHAMBUZI WA KITABU; Procrastinate On Purpose (Ruhusa Tano Za Kujipa Ili Kuzidisha Muda Wako).

Kwahiyo, kama tunataka kupata matokeo mazuri katika maisha yetu tukubali kwanza kuishi sasa na kufanya yale yote ambayo tunayoweza kufanya sasa. Baadaye waachie watu ambao hawana nidhamu katika maisha yao, ambao wameruhusu kutapeliwa katika maisha yao na wamezoea kulipa gharama kubwa ya kutapeliwa kwa kuwa na majukumu mengi kupita maelezo. Nitafanya baadaye ni kikwazo katika jamii yetu ya leo.

Makala hii imeandikwa na Deogratius Kessy ambaye ni mwandishi, mhamasishaji na mjasiriamali, unaweza kuwasiliana naye kupitia namba 0717101505/0767101504 au kwa barua pepe deokessy.dk@gmail.com, kessydeo@mtaalamu.net  au unaweza kutembelea tovuti yake, www.mtaalamu.net/kessydeo ,www.actualizeyourdream.blogspot.com kwa kujifunza zaidi kila siku. Asante sana.