FEDHA: Hizi Ndizo Sababu Zinazokufanya Uendelee Kukosa Pesa Kila Mara Katika Maisha Yako.




Kila mmoja wetu kwa namna moja au nyingine anapenda awe na kiwango fulani cha pesa kitakachoweza kumsaidia kufikia malengo makubwa aliyojiwekea. Pesa imekuwa ni kitu muhimu sana katika maisha ya binadamu siku hadi siku, pasipo pesa mambo mengi na mipango mingi huenda hovyo napengine kuharibika kabisa.
Kutokana na umuhimu wa pesa katika maisha yetu ya kila siku, binadamu hujikuta anafanya kila linalowezekana kuhakikisha ni lazima apate pesa. Pamoja na harakati na jitihada zote za kutafuta pesa kuna wakati unaweza ukajikuta pesa hizo unazozitafuta hauzipati wala hazikamatiki katika maisha yako.
Hapa ndipo maswali mengi huwa yanaanza na kuja ndani mwetu kwanini sina pesa? Nini tatizo? Au nimelogwa? Hali hii inapotokea katika maisha ya mtu binafsi huwa inawachanganya wengi nakushindwa kujua nini chanzo au nini sababu zinazosababisha wao kukosa pesa na kuishi maisha duni ya ufukara, wakati kama ni pesa kuzitafuta, wanazitafuta kweli.
Inawezekana hali hii inaweza ikawa imekutokea au bado lakini ninachotaka kukwambia zipo sababu ambazo zinakufanya wewe uendelee kukosa pesa katika maisha yako. Na hizi ni sababu muhimu sana kwako kuzijua, katika msingi wa maendeleo wa maisha yako ya kila siku. Ni sababu zipi hasa zinazokufanya uendelee kukosa pesa katika maisha yako?
Hizi ndizo sababu zinazo kufanya uendelee kukosa pesa katika maisha yako  kila mara:- 
1.Una matumizi mabaya ya pesa.
Wapo watu ambao wanapopata pesa zinakuwa hazitulii kabisa mikononi mwao, kila kitu kinachopita mbele ya macho yao kinakuwa halali yao. Kama una tabia hii ya kufanya matumizi mabaya ya pesa elewa kabisa utaendelea kuishi maisha magumu na yale yale siku zote.
Jitahidi sana kudhibiti pesa zako na sio kudhibitiwa na pesa. Kumbuka unapotafuta pesa kuna muda ambapo unakuwa unatumia juhudi nyingi sana mpaka kuzipata, kwanini sasa linapokuja suala la matumizi uzipoteze kiurahisi tu, weka ulinzi kwenye pesa la sivyo utaendelea kukosa pesa katika maisha yako kila mara.
 
2.Huna tabia ya kujiwekea akiba ya kutosha.
Hiki ni kitu muhimu ambacho kinakufanya uendelee kukosa pesa. Kwa muda mrefu umekuwa ukiishi maisha ambayo hujiwekei akiba ya kutosha ambayo itakusaidia leo na baadae katika maisha yako.
Kama una tabia hii ya kutojiwekea akiba utakwama na  utashindwa hata kuendesha miradi yako mwenyewe itakayokusaidia  kuachana pengine na kuajiriwa. Jijengee tabia hii bora ya kujiwekea akiba zako mwenyewe na kama huwezi hili au unaona kama unashindwa hakikisha kwanza unajilipa mwenyewe hapo utapata pesa ya kuweka akiba ya ziada. 
3.Umekuwa mwongeaji sana.
Mara nyingi umekuwa mtu wa kuongea sana na sio kutenda hali hii imekuwa ikikupunguzia mwendo wa kuelekea kwenye mafanikio na kujikuta unaendelea kukosa pesa katika maisha yako.
Kama unataka kufanikiwa na kuona ndoto zako zinatimia hakikisha unakuwa sio mtu wa maneno, jifunze kuchukua hatua muhimu kwa kutenda. Tabia hii ya kuongea sana ndiyo inayosababisha uendelee kukosa pesa katika maisha yako  kila wakati.
4.Hujajiwekea vianzio vingi vya pesa.
Umekuwa ukikosa pesa mara kwa mara kutokana na kukosa vianzio vingi vya pesa ambavyo vingekupatia pesa za kutosha na kukupa uhuru wa kifedha. Unapokuwa na vianzio vingi vya pesa vitakusaidia wewe kusimama imara hata pale mambo yako yanapokwenda vibaya. Unataka kuachana na hali hii ya kukosa pesa, tengeneza vianzio vingi vya pesa vitakavyokusaidia baadae kwenye maisha yako.
5.Unafikiri sana juu ya kushindwa.
Mara nyingi umekuwa ukiwaza vizuizi vinavyokuzuia kufanikiwa badala ya kuchangamkia fursa zilizopo. Umekuwa ukiwaza sana nikiwekeza hapa itakuwaje? au nitapata hasara? Kutokana na mawazo haya ni ukweli usiopingika ni moja ya kitu ambacho kimekufanya uendelee kukosa pesa katika maisha yako.
6.Huna elimu ya kutosha inayohusiana na mambo ya pesa.
Kutokana na kukosa elimu hii muhimu kwako, imekufanya uendelee kukosa pesa za kutosha kila kukicha. Kumbuka hii ni elimu ambayo haifundishwi rasmi shuleni wala nyumbani lakini ni muhimu sana katika maisha yako kujifunza.
Jifunze juu ya mzunguko mzima wa pesa unavyofanya kazi na suala zima la ujasiriamali na masoko. Unaweza pia kujifunza elimu hii kwa undani zaidi kupitia KISIMA CHA MAARIFA au unaweza ukawasiliana nasi kwa msaada zaidi. 
7.Unafanya kazi sana kwa ajili ya pesa.
Hii ni sababu kubwa sana inayokufanya kila siku uendelee kukosa pesa. Maisha yako yanazidi kuwa magumu kila siku kwa sababu unafanya kazi kwa ajili ya pesa na matokeo yake unajikuta pesa inakufanya kuwa mtumwa kila siku.
Jifunze kutenda mambo yako kwa ubora wa juu na kwa viwango pesa zitakuja zenyewe. Kama unafanya biashara fanya kwa ufanisi na ubunifu wa hali ya juu, wateja watakuja wenyewe na utapata pesa za kutosha.
Acha kabisa tabia ya kuitumikia na kuifukuza pesa katika maisha yako. Na  kama utaendelea kufukuza pesa, utashangaa katika maisha yako utakuwa mtu wa kukosa pesa kila siku.  
Unaweza ukabadili na kufanya maisha yako vyovyote vile unavyotaka yawe kama tu utaamua, hizo ndizo sababu muhimu zinazokufanya uendelee kukosa pesa katika maisha yako.
Nakutakia kila la kheri katika safari ya mafanikio iwe ya ushindi zaidi, endelea kutembelea zaidi mtandao huu wa AMKA MTAZANIA kwa kujifunza mambo mengi yatakayo badili maisha yako kwa kiasi kikubwa sana.
DAIMA TUPO PAMOJA!
IMANI NGWANGWALU- 0767048035/ingwangwalu@gmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a website or blog at WordPress.com

Up ↑

%d bloggers like this: