Tatua Changamoto Hizi Mapema Ili Zisikuzuie Kufanikiwa.

Mara nyingi wengi tunakuwa makini sana na changamoto kubwa zinapojitokeza kwenye maisha yetu na kuweka nguvu zote hapo. Lakini kitu ambacho wengi wanasahau ni kwamba changamoto hizo kubwa zilianza pia kama changamoto ndogo sana.

Kinachotokea watu wengi wanakuwa hawako makini na changamoto ndogo au matatizo madogo madogo yanapojitokeza, ambapo kwa kushindwa kuyashughulikia matatizo hayo, hukua na hatimaye kuwa matatizo makubwa ambayo yameshindikana.

Hakuna tatizo kubwa, ambalo huwa linaanza kama tatizo kubwa, bali matatizo yote huwa yanaanza kama matatizo madogo, lakini kwa sababu ya kushindwa kuyatatua mwisho wa siku matatizo hayo hukua na kuwa makubwa kabisa.

amka header

Angalia kitu kama ugonjwa huwa unaanzaje? Sina shaka huwa unaanza na dalili ndogo ndogo ambazo dalili hizo hupuuzwa na mwisho wa siku hutokea ugonjwa mkubwa ambao unashindwa kuzuilika na kuleta matatizo mengi sana  kwa mhusimka.

SOMA; Tofauti Hizi Ndogo Ndizo Zinakufanya Ushindwe Au Ufanikiwe Kwenye Maisha Yako.

Lakini si hivyo tu ukiangalia hata ajali au migomo mikubwa ambayo huwa inatokea vyuoni au makazini huwa inaanza kama matatizo madogo ambayo yanatakiwa kutatauliwa, lakini kwa sababu ya uzembe na kuamua kuacha husababisha matatizo kukua na kuwa makubwa.

Hivyo, unaona mpaka hapo, hakuna tatizo kubwa ambalo linaanza kama tatizo kubwa, bali matatizo yote makubwa huwa yanaanza kama matatizo madogo madogo tu tena na ya kawaida lakini kwa sababu ya dharau au kutotilia maanani hupelekea matatizo hayo kukua haswaa.

Ninachotaka hapa uelewe ni kwamba, kuwa makini sana na zile zinazoitwa changamoto ndogo au matatizo madogo. Usipokuwa makini na changamoto hizo zitakupelekea wewe uweze kukutana na tatizo kubwa ambalo utashindwa kulimudu kulitatua.

Misingi mkubwa wa kushindwa unaanza na wewe kushindwa kutatua matatizo madogo na kuaacha tu. Unaweza ukawa na pesa kidogo unazo lakini unashindwa kuwekeza kwa sasa, basi elewa unatengeneza bomu la umaskini wako mkubwa kwa kesho.

SOMA; Msingi Mkubwa Wa Mafanikio Yako Unajengwa Sana Na Mambo Haya Tu.

Sina shaka kabisa, maisha yako unayajua vizuri sana kuliko mimi, kwa hiyo kama unacheka na matatizo yako madogo basi elewa kushindwa kwingi kunakuhussu kwenye siku za usoni lakini ikiwa pamoja na kujiingiza kwenye matatizo ambayo hukuyategemea lakini umeyatengeneza.

Tatua changamoto zako ndogo kwa uhakika, tatua matatizo yako madogo kwa uhakika na kwa kutatua huko utajiweka huru na mwisho wa siku utajikuta unakwepa matatizo mengi ambayo hukustahili kuwa nayo kabisa kwenye maisha yako.

Tafakari juu ya hilo na ukumbuke kutatua changamoto zako ndogo mapema kabisa ili zisikuzuie kuweza kufanikiwa na zikawa kikwazo cha wewe kuweza kufikia ndoto zako kubwa ulizojiwekea kwenye maisha yako.

Tunakutakia kila la kheri na endekle kutembelea DIRA YA MAFANIKIO kujifunza juu ya maisha na mafanikio.

DAIMA TUPO PAMOJA MPAKA MAISHA YAKO YAIMARIKE,

Ni wako rafiki katika mafanikio,

Imani Ngwangwalu,

Mshauri wa mafanikio, mwandishi na mjasiriamali,

Blog; dirayamafanikio.blogspot.com

Mawasiliano; +255 767 048 035, +255 713 048 035,

Email; dirayamafanikio@gmail.com

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: